Adhyatma Parva Program in RVK-Dharwad

Neeralakatti, Dharwad, Dec 1-2: A two days program, Adhyatma Parva was organised for Rashtrotthana CBSE Students herein Rashtrotthana Vidya Kendra.

ನೀರಲಕಟ್ಟಿ, ಧಾರವಾಡ, ಡಿಸೆಂಬರ್ 1-2: ರಾಷ್ಟ್ರೋತ್ಥಾನ ಸಿಬಿಎಸ್‍ಇ ಶಾಲಾ ಮಕ್ಕಳಿಗೆ ಇಲ್ಲಿನ ರಾಷ್ಟ್ರೋತ್ಥಾನ ವಿದ್ಯಾಕೇಂದ್ರದಲ್ಲಿ 2 ದಿನಗಳ ಅಧ್ಯಾತ್ಮ ಪರ್ವ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು.

ಡಿಸೆಂಬರ್ 1, ಶುಕ್ರವಾರ: 

ಉದ್ಘಾಟಕರಾಗಿ ಆಗಮಿಸಿದ್ದ ಹುಬ್ಬಳ್ಳಿಯ ಚಿನ್ಮಯ ಮಿಷನ್‍ನ ಪೂಜ್ಯ ಕೃತಾತ್ಮಾನಂದ ಸ್ವಾಮಿಗಳು “ವಿದ್ಯಾರ್ಥಿ ಜೀವನದಲ್ಲಿ ವಿದ್ಯೆ ಸಂಪಾದನೆಯಾಗಿರಬೇಕು. ಅದನ್ನು ಹೆಚ್ಚು ಹೆಚ್ಚು ಗಳಿಸಬೇಕು. ಅಂದಾಗ ಮಾತ್ರ ಒಳ್ಳೆಯ ವ್ಯಕ್ತಿತ್ವ ನಿರ್ಮಾಣ ಸಾಧ್ಯ” ಎಂದು ಆಶೀರ್ವದಿಸಿದರು.

ಅವಧಿ-1: ಅಧ್ಯಾತ್ಮ ಎಂದರೇನು? ಏಕೆ? – ಪೂಜ್ಯ ಕೃತಾತ್ಮಾನಂದ ಸ್ವಾಮೀಜಿ ಚಿನ್ಮಯ ಮಿಷನ್, ಹುಬ್ಬಳ್ಳಿ. “ಅಧ್ಯಾತ್ಮ ಎಂದರೆ ನನ್ನನ್ನು ನಾನು ಅರಿತುಕೊಳ್ಳುವುದು. ನಮ್ಮ ಮನಸ್ಸಿನಲ್ಲಿ ಅದಮ್ಯವಾದ ಶಕ್ತಿ ಇದೆ. ಆ ಶಕ್ತಿಯಿಂದ ಅಗಾಧವಾದುದ್ದನ್ನು ಸಾಧಿಸಲು ನಮ್ಮ ಮನಸ್ಸನ್ನು ಶಾಂತವಾಗಿ ಇಟ್ಟುಕೊಳ್ಳುವುದು ಹೇಗೆ? ಎನ್ನುವುದನ್ನು ಕಲಿತುಕೊಳ್ಳಬೇಕು” ಎಂದರು.

ಅವಧಿ-2: ಅಧ್ಯಾತ್ಮದ ಮಾರ್ಗಗಳು – ಪೂಜ್ಯ ಮಾತಾ ತೇಜೋಮಯಿ, ಮಾತಾಶ್ರಮ, ಹುಬ್ಬಳ್ಳಿ. “ಭಗವಂತ ನಮ್ಮಲ್ಲಿ ಆತ್ಮದ ರೂಪದಲ್ಲಿ ಇದ್ದಾನೆ. ಒಳಗಡೆ ಇರುವ ಪರಮಾತ್ಮನನ್ನು ಕಂಡುಕೊಳ್ಳಲು ನಾಲ್ಕು ಅಧ್ಯಾತ್ಮದ ಮಾರ್ಗಗಳಿವೆ. 1. ಜ್ಞಾನ ಯೋಗ, 2. ರಾಜಯೋಗ, 3. ಭಕ್ತಿ ಯೋಗ, 4. ಕರ್ಮ ಯೋಗ – ಇವುಗಳ ಕುರಿತು ವಿವರಣೆ ನೀಡಿದರು.

ಅವಧಿ-3: ಯತಿ ದರ್ಶನ – ಸಿದ್ಧಾರೂಢ ಮಠ, ದೇವರ ಹುಬ್ಬಳ್ಳಿ

ಅವಧಿ-4:  ಅನೌಪಚಾರಿಕ ಅವಧಿ

ಡಿಸೆಂಬರ್ 2, ಶನಿವಾರ:

ಮುಂಜಾವಿನ ಅವಧಿಯಲ್ಲಿ ಶಾಲೆಯ ಯೋಗ ಗುರುಗಳಾದ ಶ್ರೀ ಆತ್ಮಾನಂದ ಗುರೂಜಿ ಇವರಿಂದ ಯೋಗ ತರಗತಿ ನಡೆಯಿತು.

ಅವಧಿ-5: ಶಾಲೆಯ ಸಂಸ್ಕೃತ ಅಧ್ಯಾಪಕರಾದ ಶ್ರೀ ರಾಮಚಂದ್ರ ಭಟ್ ಹಾಗೂ ಶ್ರೀ ಹರ್ಷ ಭಟ್ ಇವರ ನೇತೃತ್ವದಲ್ಲಿ ಧ್ಯಾನ, ಜಪ, ಪೂಜೆ ಮಾಡುವ ವಿಧಾನದ ಕುರಿತು ಪ್ರಾಯೋಗಿಕ ಕಾರ್ಯಕ್ರಮಗಳು ನಡೆದವು.

ಅವಧಿ-6: ಉಪನಿಷತ್-ಉಪಾಖ್ಯಾನ – ಡಾ. ಶ್ರೀರಾಮ್ ಭಟ್ ಇವರು ಉಪನಿಷತ್ತಿನಲ್ಲಿ ಬರುವ ಓಂ ಸಹನಾವವತು… ಶ್ಲೋಕದ ಅರ್ಥ ವಿವರಣೆಕೊಟ್ಟರು.

ಅವಧಿ-7: ಹರಿ ಕೀರ್ತನೆ – ಶ್ರೀ ಶಿವರಾಮ್ ಗಾಂವಕರ್ ಹಾಗೂ ಸಂಗಡಿಗರಿಂದ ಭಕ್ತ ಪ್ರಹ್ಲಾದ ಹರಿಕೀರ್ತನೆ ನಡೆಯಿತು.

ಅವಧಿ-8: ಏಕಾಂತ – ವಿದ್ಯಾರ್ಥಿಗಳು ಏಕಾಂತ ಅವಧಿಯಲ್ಲಿ ಸಮಯವನ್ನು ಕಳೆದರು.

ಸಮಾರೋಪ ಕಾರ್ಯಕ್ರಮದಲ್ಲಿ ಮುಖ್ಯ ವಕ್ತಾರರಾಗಿ ವೇದಿಕೆಯನ್ನು ಹಂಚಿಕೊಂಡ ಶಾಲೆಯ ಸಂಸ್ಕೃತ ಅಧ್ಯಾಪಕರಾದ ಶ್ರೀ ವಿನಾಯಕ ಭಟ್ ಇವರು, “ಅಧ್ಯಾತ್ಮದ ಗುರಿ ಸ್ಥಿತಪ್ರಜ್ಞತೆಯನ್ನು ಸಾಧಿಸುವುದು. ಜೀವನದ ಪ್ರತಿ ಕ್ಷಣದಲ್ಲೂ ಸ್ಥಿತಪ್ರಜ್ಞತೆಯಿಂದ ಇರುವುದನ್ನು ಕಲಿತುಕೊಳ್ಳಬೇಕು. ಸುಖ-ದುಃಖ, ಸೋಲು-ಗೆಲುವನ್ನು ಸಮಾನವಾಗಿ ಸ್ವೀಕರಿಸುವ ಗುಣವನ್ನು ಬೆಳೆಸಿಕೊಂಡರೆ ಮಾತ್ರ ಜೀವನ ಸಾರ್ಥಕತೆಯನ್ನು ಪಡೆದುಕೊಳ್ಳುತ್ತದೆ” ಎಂದರು.

https://rvkcbse.in/
https://rashtrotthana.org/
https://www.facebook.com/rashtrotthanaparishat
#Rashtrotthana #RashtrotthanaParishat #RVK #RVKCBSE #RashtrotthanaVidyaKendra #RVKDharwad #AdhyatmaParva